दुर्घटनामा एकै वडाका पाँच जनाको ज्यान गएपछि बाँकेको टिटिहिरिया गाउँ शोकमा
भारतको नियम पुरा गरेर सबै शवहरु नेपाल ल्याईदै
बाँके – भारतको उत्तराखण्ड राज्यको नैनीतालको बेतालघाट नजिक भएको गाडी दुर्घटनामा एकै वडाका पाँच जनाको ज्यान गएपछि बाँकेको टिटिहिरिया गाउँ शोकाकुल बनेको छ ।
भारतको पर्यटकीय क्षेत्र नैनीतालमा मजदुरी गरी नयाँ वर्ष मनाउन घर फर्कने क्रममा बेतालघाट नजिकै अस्ति राति भएको गाडी दुर्घटनामा परेर बैजनाथ गाउँपालिका–८ टिटिहिरियाको थपुवा र फत्तेपुर गाउँका छ जनाको निधनले वडावासीलाई व्याकुल बनाएको वडाध्यक्ष भगन थारूले बताउनुभयो ।
दुर्घटनामा बाँकेका छ, बर्दियाका एक र अर्का एक जना भारतीय नागरिकको ज्यान गएको थियो । वडाध्यक्ष थारूका अनुसार दुर्घटनामा बाँके बैजनाथ गाउँपालिका वडा नम्बर ८ टिटिहिरियाको फत्तेपुरगाउँका उदयराम थारू, धिरज थारू र विश्राम थारू, रिहारपुर गाउँका तिलकराम थारू तथा थपुवागाउँका अन्तराम थारू र विनोद थारूको ज्यान गएको छ । थपुवा गाउँकै दशरथ थारू र फत्तेपुरका शान्ति थारू घाइते हुनुभएको छ ।
वडाध्यक्ष थारूले भारतमा दुर्घटना भएकाले त्यहाँको नियम पूरा गरेर शव ल्याउन नेपाल प्रहरी र भारतीय प्रहरीसँग समन्वय गरिरहेको बताउनुभयो ।
भर्खरै
काठमाडौं गइरहेको बस दाउन्नेमा पल्टियो
सुदुरपस्चिम प्रदेशको मुख्य मन्त्रीमा नागरिक उन्मुक्ति पार्टीले दावि गर्दै
सामाजिक संजालका सामाग्री झुटा,रुद्रकली र खकेन्द्र प्रसाद चितवनमै : प्रक्रिया नपुगेका कारण कतारका राजा संगै पठाउन सकिएन
जन्ती बस दुर्घटना : तीन जनाको ज्यान गयो
देशभर हिन्दु धर्मावलम्वी हरुले आज धुमधाम रामनवमी पर्व मनांउदै
प्रसिद्व पाठशाला लम्कीको ४ औं वार्षिक उत्सव तथा अभिभावक दिवस सम्पन्न
च्याउ टिप्न गएका तीन जना बालक डढेलोको आगोमा परेर घाइते
प्रतिकृया दिनुहोस