एसिया कपः श्रीलंकालाई हराउँदै भारत फाइनलमा
काठमाडौं । श्रीलंकालाई हराउँदै भारत एसिया कप क्रिकेट प्रतियोगिताको फाइनलमा पुगेको छ । मंगलबार राति कोलम्बोको प्रेमदासा रंगशालामा भएको सुपर फोर अन्तर्गतको दोस्रो खेलमा आयोजक श्रीलंकालाई ४१ रनले हराउँदै भारत एक खेल अगावै फाइनलमा पुगेको हो ।
भारतले दिएको २ सय १४ रनको लक्ष्य पछ्याएको श्रीलंका ४१ ओभर ३ बलमा अलआउट हुँदै १ सय ७२ रनमा समेटियो । श्रीलंकाका लागि दुनिथ वेलालागेले ४२, धनञ्जय डी सिल्भाले ४१, चरिथ असलंकाले २२, सदीरा समाराविक्रममा र कुशल मेन्डिसलेसमान १७–१७ रन बनाए ।
श्रीलंकालाई सस्तैमा समेट्न भारतका कुलदीप यादवले ४, रविन्द्र जडेजा र जसप्रीत बुमराहले समान २–२ विकेट तथा मोहम्मद सिराज र हार्दिक पाण्ड्यले समान १–१ विकेट लिए ।
त्यसअघि टस जितेर पहिला ब्याटिङ रोजेको भारतले ४९ ओभर १ बलमा आलआउट हुँदै २ सय १३ रन बनाएको थियो। भारतका लागि कप्तान रोहित शर्माले ५३, केएल राहुलले ३९, इशान किशनले ३३, अक्सर पटेलले २६ र सुभमन गिलले १९ रन बनाए। बलिङतर्फ श्रीलंकाका दुनिथ वेलालागेले ५, चरिथ असलंकाले ४ र महिस तिक्षणाले १ विकेट लिए ।
प्रतियोगिताको सुपर फोरमा लगातार दोस्रो जित निकालेको भारतले ४ अंक जोडेको छ । समान खेलबाट २ अंक जोडेको श्रीलंका अंक तालिकाको दोस्रो स्थानमा छ ।
भर्खरै
काठमाडौं गइरहेको बस दाउन्नेमा पल्टियो
सुदुरपस्चिम प्रदेशको मुख्य मन्त्रीमा नागरिक उन्मुक्ति पार्टीले दावि गर्दै
सामाजिक संजालका सामाग्री झुटा,रुद्रकली र खकेन्द्र प्रसाद चितवनमै : प्रक्रिया नपुगेका कारण कतारका राजा संगै पठाउन सकिएन
जन्ती बस दुर्घटना : तीन जनाको ज्यान गयो
देशभर हिन्दु धर्मावलम्वी हरुले आज धुमधाम रामनवमी पर्व मनांउदै
प्रसिद्व पाठशाला लम्कीको ४ औं वार्षिक उत्सव तथा अभिभावक दिवस सम्पन्न
च्याउ टिप्न गएका तीन जना बालक डढेलोको आगोमा परेर घाइते
प्रतिकृया दिनुहोस